話時話：6日唔洗頭？女神地位破滅的4個原因

陳瀅尋日係鑽石山出席髮型產品活動時表示，自己係公司最耐洗一次頭嘅女藝人，佢話：「今朝我有洗頭，但對上一次洗頭已經係六日前。」而有次佢出席活動，一大班女仔影合照，蔡思貝企喺佢後面，然後聞到陳瀅嘅頭油味，繼而問佢係唔係無洗頭。而講到無洗頭的最高紀錄，陳瀅話去俄羅斯拍旅遊節目時，由於當地水力不夠，前後十幾日冇洗頭，佢話：「平時我平均三日洗一次，寧願將洗頭吹頭嗰半個鐘用嚟休息。」

對於一日唔洗頭都頂唔順的小編來說，絕對不敢想像三日洗一次頭的感覺。相信大家身邊都有唔少女神級樣貌的朋友，究竟佢做咩行為舉止，令佢係你心目中的女神地位完全破滅呢？以下呢4個行為絕對唔少得。

爆粗
呢位「女神」唔講野都可以稱為一個女神，但當佢一講野，十句有九句都夾雜粗口，而且說話口敏相當粗豪，完全無「女神」感覺。

黑心
真正女神緊係講到人靚心更靚，但不少女神擁有女神外表，但心裡卻黑心到不得了，好似對小動物無愛心，又或唔孝順之類。

貪慕虛榮
不少靚女都希望可以嫁入豪門，見到有錢人即飛撲過去，又或者著到全身名牌，見到其他人即由頭Scan到腳尾。

不修篇幅
靚女擁有靚樣，但卻不修篇幅，尤其係唔注意個人衛生，如唔刷牙引致口臭，又或好像陳瀅咁唔洗頭，頭油味令人不安，都係不修篇幅的表現。

相片來源：missjni @ig