謝安琪麥浚龍新專輯被指售價離地 網民：貴過演唱會山頂飛

謝安琪（Kay）於2018年加入麥浚龍（Juno）旗下幻國文化娛樂，用咗三年時間打造音樂企劃「董折與浦銘心」，透過歌曲表達兩個自17歲相識後嘅愛情故事，呢個計劃除咗係歌曲、仲係連續劇同小說，內容講述浦銘心與董折離離合合嘅故事，企劃出街後令謝安琪及麥浚龍事業再上一層樓，除咗獲得多個獎項之外，更深受樂迷愛戴。

企劃除咗令佢哋事業再登上高峰之外，今次推出嘅新專輯亦登上價格嘅高峰，18年推出首張合輯《the album part one》時，價錢盛惠$228比普遍專輯貴少少，銷情仍然十分理想。到19年推出第二張合輯《the album and the rest of it...》，售價更高為$380，繼續得到大批歌迷支持。

今次推出最終章合輯《the album and the end of it》售價定為$580，網民就認為售價離晒地，仲貴過睇演唱會嘅山頂飛，仲話「愈賣愈貴，好似搶錢咁」及「成$580一套，挑戰緊樂迷嘅極限」。不過今次合輯製作超級認真，有劇照相集、文案、劇情相關周邊物品，例如：登機證、火車票及報紙等等，所以亦有網民支持話「13首好歌仲有咁多周邊，其實好抵」。相信支持嘅人都好多，因為麥浚龍喺社交網站宣佈專輯已經售罊：「首批 the album and the end of it 即日售罄。」

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！