譚俊彥樂得為囡囡做「阿四」 胡定欣羨慕有家庭 「投訴」媒人Bob失靈

譚俊彥近期要為女兒頻撲做「阿四」，胡定欣羨慕有家庭真幸福，笑言「金牌媒人」林盛斌的「成績表」得零分，要催促他介紹「筍盤」。

譚俊彥與胡定欣昨日出席《最強人氣品牌大獎2022》頒獎禮，兩人分別獲得「最強人氣廣告男星」及「最強人氣廣告女星」獎項。

定欣表示剛好今年與健康產品合作10年，廣告亦見證着她的成長，講到希望再拍甚麼廣告？她說：「因為拍咗《白色強人II》，所以希望拍一啲同醫療、健康有關嘅廣告，可以由角色出發。」

而譚俊彥拍攝的月餅廣告獲獎，他希望有機會冧莊再拍，問到可希望父女檔上陣？他即說：「等佢大個啲先，小朋友都係讀書先，其實之前都有廣告搵過，但係都推咗，覺得小朋友應該保持童真，依家佢哋都唔到我話事，要問過佢。」

炎明熹張馳豪奪廣告歌獎

將投入新工作的他，近期忙於陪女兒，車出車入做司機，因女兒將要為學校做MC，亦要與她在家綵排，笑言做爸爸就如做「阿四」一樣。定欣聞言即羨慕表示有家庭實在太幸福，講到聖誕節她如何歡度，她透露已約朋友慶祝，並希望屆時朋友的朋友會有「驚喜」。問到「金牌媒人」林盛斌（Bob）可有向她介紹「筍盤」？她笑說：「係囉，年尾喇喎，佢張成績表仲係冇成績，零分喎，咁點先？佢要做番啲嘢喇！」她直言現在對找伴侶已沒有既定條件，最重要是合適。

此外，「最強人氣廣告歌曲演繹歌星獎」分別由炎明熹、姚焯菲和張馳豪奪得，可喜可賀。