貼錢做寵物KOL 陳庭欣畀狗咬

·2 分鐘文章
陳庭欣落力氹狗狗,怎料被咬了一口,幸好沒大礙。
陳庭欣落力氹狗狗,怎料被咬了一口,幸好沒大礙。

陳庭欣最近自資5位數做寵物界KOL,日前她在大埔一間寵物餐廳拍攝,事事親力親為,連「阿四」都做埋,拍攝時更被狗狗咬了一啖!

前港姐冠軍陳庭欣(Toby)近期忙於劇集宣傳及主持工作外,更自資拍片做寵物界KOL,日前她到大埔一間寵物餐廳拍攝,見她一腳踢做「阿四」,由布置到清理枱面都親力親為。

拍攝時回歸主持崗位,她自然駕輕就熟,與嘉賓有傾有講,反而被「毛孩」考起!見她出盡法寶吸引狗狗望鏡頭,怎料狗狗突然扭計咬了她的手指一啖,幸好沒有大礙。完成拍攝後,她未有即時收工,而是到鄰近的寵物用品店了解行情。

出名是圈中「鸚鵡達人」的Toby,近期為屋企增添了2隻小獵犬新成員,她接受電話訪問時說:「啱啱起步都幾艱難,同真正嘅KOL仲差好遠,因為冇贊助,但又想有質素,所以由構思、聯絡嘉賓、場地、寫稿、拍攝到剪片都要參與,但最難係控制動物,試過畀狗狗咬咗啖,不過好細力啫!」

唔敢諗賺錢

她坦言現時仍是蝕住做:「唔敢諗賺錢,拍咗5、6集,每集友情價製作都要起碼4位數字,已經用咗5位數字拍片。我做呢樣嘢唔係為賺錢,而係希望大家喺疫情下睇到寵物會開心啲,帶正能量畀大家。」她希望慢慢儲粉絲,吸引贊助商支持,令節目長做長有。

為節省開支,陳庭欣親自布置場地。
為節省開支,陳庭欣親自布置場地。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能