賣甜品賺過億！梁思浩進駐千萬獨立屋

東方新地 - 娛聞

更新日期： 2018年12月27日上午7:54

財來自有方， 51歲梁思浩由藝員仔做到變甜品店老闆，現時是幾百間甜品店股東，身家雄厚！04年因被無綫炒魷，造就梁思浩投資開第一間甜品店「聰嫂」，為他帶來無限商機，三年前他和友人聰哥將甜品店內地及澳門經營權出售賺過億，兩地三百多間分店他至今仍是股東之一，生意愈做愈大，財源滾滾來！

今年初，他以近千萬買入西貢早禾坑兩層連天台獨立屋做安樂窩，早前他同友人到新居睇裝修，興奮得手指指向友人介紹四周環境，買得心頭愛，特別興奮！

撰文：東方新地圖片：新傳媒圖片

梁思浩四度中六合彩

近日無綫深宵重播由黃日華溫兆倫主演的經典神劇《義不容情》，令觀眾集體回憶返晒嚟，當年有份參與演出的梁思浩，同觀眾一樣晚晚追，不時在微博放相自娛，似乎對演出充滿懷念。已經十多年冇再拍劇的他，近年主要幫亞視及有線做主持，以及主理甜品生意，賣甜品賣到身家暴漲，又聲稱曾中過四次六合彩二獎，果然一世夠運！

參演神劇

深宵重播神劇的《義不容情》，梁思浩亦有份演出，他比觀眾更緊張晚晚追看。

泊亞視碼頭

雖然生意賺大錢，但梁思浩仍眷戀幕前工作，近期就同朱慧珊為亞視主持《香港狙擊搜》。

04年被無綫裁員裁走，梁思浩怕演藝生命從此結束，的起心肝計劃未來，同聰哥合作投資第一間甜品店，因為設計出唔少創新甜品，為他賺到第一桶金，三年前他更同合夥人聰哥，將甜品店的內地和澳門經營權出售，內地經營權由內地擁有二百多間食肆的上市公司小南國集團以一億元奪得，澳門的經營權則由四太何梁安琪收歸旗下，梁思浩因此而大豐收。

三年前出售「聰嫂」甜品店內地及澳門經營權賺過億，但梁思浩至今仍繼續有份投資兩地的甜品店，不過就由大股東變小股東，繼續有錢分！

有生意頭腦

賺到錢，口氣亦唔同晒，他曾諷刺當年裁走他的陳志雲，表示「莫欺少年窮」，據知情者透露：「佢成日都話好多謝陳志雲，冇佢自己都冇今日喎！嗰時佢被裁走，真係好徬徨，仲擔心從此演藝生命就咁結束，所以決定投資搞甜品生意，不過，佢真係好有生意頭腦，識得搵香港電台餐廳老闆聰哥一齊合作，聰哥聰嫂出名整嘢食叻，佢哋諗好多創新嘅甜品款式，又好緊張控制食品品質，甜品店做到街知巷聞，思浩亦唔會單係自己搞，更開始同大財團傾收購，依家有大財團Backup，經營權佢又賺一大筆，可以話賺到盡！」