賭命夫妻|火火憂陳安立拆散人哋家庭 「最正人妻」Luna引網民關注

·3 分鐘文章
賭命夫妻|火火憂陳安立拆散人哋家庭 「最正人妻」Luna引網民關注
賭命夫妻|火火憂陳安立拆散人哋家庭 「最正人妻」Luna引網民關注

由火火與陳嘉倩主持嘅ViuTV全新真人騷節目《賭命夫妻》正熱播,節目請嚟五對夫妻參與,分別係Sam與Maegi、Dennis與Teris、浩然與Rebekah、阿匡與Luna、Benson與Ruby,雙方需要接受一連串考驗,最後無被「拆散」、能夠keep住恩愛嘅夫妻就可以獲取豐富獎金。

參加者喺首集節目中已大爆床事喜好,雖然ViuTV將參賽者寫喺白板嘅答案打格仔,又以「嗶」聲音消音,僅設網上完整版重溫,令網民大感無癮。不過及後嘅集數涉及PTGF與PTBF情節,實行挑戰佢哋嘅道德底線,令觀眾睇得嘩然,直指係港版《慾罷不能》(Too Hot To Handle)。第二集分別搵嚟193郭嘉駿、肥仔(梁業)、黃奕晨(Dixon)、陳安立(Brian)及黎學勤(Jeffery)出任五位人妻嘅PTBF完成節目組指派嘅秘密任務,其中就以Brian同Luna呢pair公認為最閃,Luna表示好滿意拍擋,又指已唔記得老公阿匡姓咩;後嚟喺沙灘,二人仲互相搽防曬,Luna仲大讚對方:「好舒服,Brian好溫柔呀!」二人表現sweet到連火火同節目組都表示:「會否不小心拆散了別人的家庭呢」。

26歲Luna其實係集模特兒、演員及瑜伽導師多重身份於一身,5尺6寸高,三圍33、26、35嘅佢仲被節目組稱為「最正人妻」。除咗模特兒,Luna仲有過出演科幻網劇《異數者》「阿曉」嘅幕前經驗;本身畢業於理大酒店管理學,由於熱愛瑜伽關係,佢就考咗200小時嘅「認證瑜伽老師」證書,拎埋「瑜伽輪」及「空中瑜伽」證書,教授瑜伽;同時Luna為咗唔洗去日本旅行時雞同鴨講,佢特意修讀日文,宜家日文已達N2程度,仲準備緊考N1試。而Luna同29歲阿匡已經相戀7年,結婚約1年時間,阿匡就被節目組安排《口罩小姐》20強止步嘅溫穎琦(Ollie)成為一對,表現仲好合拍,唔知Luna同阿匡仲可唔可以恩愛到尾呢?

《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
《賭命夫妻》截圖
李月兒Luna
李月兒Luna
李月兒Luna
李月兒Luna
李月兒Luna
李月兒Luna
李月兒Luna
李月兒Luna
李月兒Luna
李月兒Luna

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能