雅虎香港新聞 ▐ 運動▐ 跑吧！DORAEMON RUN 2016 in HK...*
其實 DORAEMON RUN 已經係 3 月的事
最近我地又跑完 One Piece Run，襯仲有少少記憶一定要打番篇文記念下！
呢次係有運動習慣之後第一次參加大型主題路跑活動
以卡通人物做主題的路跑之前好似唔係咁常見(定我留意唔到呢？)
但台灣同日本都唔少，我見過比較大型的有 Hello Kitty、Minions、 One Piece等等
而參加呢 d 活動除非好鐘意，如果唔係點都需要個伴一齊去
我個伴就係男友喇！估唔到佢都有 d 興趣 ，太好了！
報名當日我一早已經捕住，完全估唔到咁多人報
個 server 根本容納唔到咁多人同時申請
一輪阻滯之後終於都報到 2 個人(Lucky~~~)
而我知道當日過千個���額已經極速 full 晒喇！
報名費用 HK$350/人
我覺得拎選手包都幾花時間，大會竟然安排去到將軍澳某商場
當日我地拎完仲順便去埋婚展 Join 3V
選手包包含紙袋、百寶袋號碼布、毛巾(優質靚料)、印水紙、索繩背包
本應仲有件大會 Tee，但無我碼要當日先可以拎到
而我仲拎番之前 bossini 送的叮噹法寶打算當日拎埋去
號碼布後面有個人資料同埋計時晶片
Work hard Play hard 當日就咁全身叮噹裝備遊走
愈接近會場就愈多同伴，所以唔洗怕羞啦！
大會有提供行李存放區，早30分鐘到會場準備就可以了
我仲花左少少時間痴印水紙，好得意呀！
我 9:10am 起跑
男友就 8:55am 起跑
但因為安排都幾亂最後都係一齊出發
雖然天氣麻麻地，一直都係陰天間唔中有少少雨粉，不過都好興奮呀！
開左 Nike run 計時，4K其實只有 3.50K，我仲比平時跑快左呀！好開心
男友一直同我一齊跑，中間有唔少紙牌影相區好多人排隊，我地就認真跑
大會成績我排 156 名
好快跑完直接排隊拎獎牌同噹噹，呢個時候天氣愈來愈差，仲好大風
大風到我個頭亂晒龍….
但都影響唔到興奮心情影左一陣相
會場��有好多佈景比大家影相，每一個都係長長人龍
因為男友仲要趕番工，我地只係影 D 唔洗點排隊就算，大機影果然肥XDDDDD
仲有表演睇，但去到散場LOL
之後拎行李先最浪費時間，足足排左 1 個鐘先拎番 D 野
仲要因為唔同組要分開排(悶)
天氣又愈來愈差，又大風又冇遮，都幾凍呀！
因為實在太多人用叮噹袋，工作人員都搵左好耐下
呢堆就係當日小收穫
最開心係做左允記會員，之後買野都有折喇！
仲拎左呢把扇，男友好想要
個獎牌真係好靚呀！勁精緻
又拎左大會同 bossini 個噹噹對比下，後者鮮色 d 靚 d
但前者頸繩有字又特別 d
因為我有 3 個噹噹，最後送左一個同埋新的索繩背包比ching個女女，佢勁開心 : )
過一排好多大會攝影師就分別 upload 上相簿，有過千張相
我都用左好多時間先搵到幾張有我地
有一張係我地拖手衝線，已經好滿足喇！
在此要多謝呢 2 位攝影師 : )
終於打完，係一次好好玩的全新體驗，係我地 2016 年美好的回憶之一
慶幸男友都覺得好好玩，黎緊我會打埋 One Piece Run，不過相唔算多
我仲未搵大會攝影師 d 相:p
就這樣
作者: Cat Hui
