雅虎香港新聞 
《都市閒情》傳將停播？ 星級主持逐個數
1992年起播足26年的《都市閒情》，近日面臨改革，有傳將會改名《Big City Shop》，將節目變成Big Big Shop產品嘅宣傳節目…… 相信師奶觀眾以下的朋友，最擔心都係以後冇得睇姚嘉妮、彭慧中等索女，依家一齊重溫多位深入民心的《都市閒情》主持！
撰文：東方新地｜圖片：電視截圖、Instagram、Facebook
延伸閱讀：
（有片）《延禧攻略》爆笑NG片曝光！佘詩曼雙語讀對白，一招K.O內地演員！
《都市閒情》傳將停播？ 星級主持逐個數
姚嘉妮
其實大家都知無綫節目《都市閒情》觀眾多為家庭主婦，但近年竟多咗唔少年輕觀眾，就係為咗睇一眾索女主持！其中長腿人妻姚嘉妮都吸引唔少男觀眾追捧！
｜姚嘉妮《BB來了》演長腿MK妹
喺早前熱播的大台劇《BB來了》中，講到盧苑茵為Ali請陪月員，點知姚嘉妮飾演的陪月員一出場，大家都睇到O晒嘴…
啡金長髮、魚網上衣、熱褲、拖鞋…
｜家中男人叫好
請個咁索的陪月員擺明係玩嘢啦？家中兩位男人對眼即時發晒光，羅樂林同黎諾懿一唱一和，激死兩個老婆！
｜40歲演MK妹冇違和感
今年40歲的姚嘉妮喺《BB來了》飾演過氣MK妹陪月員朗朗，性格開朗跳脫、外形窈窕亮麗，一身青春打扮完全冇違和感，令人留下深刻形象，都算係女主角李佳芯以外備受歡迎的角色！
｜擁大量男性fans
姚嘉妮雖然今年剛剛40歲，不過樣貌身材都keep得非常好，聲線比較嬌嗲，另外一雙修長美腿更是老中青觀眾通殺！雖然多年來星途平平、發展一般，不過吸納大量男性fans！
宋芝齡
宋芝齡除了係《都市閒情》固定主持，大家應該都仲記得2005年時韓劇《大長今》瘋魔全港，帶挈精通韓語的中韓混血兒宋芝齡頻頻上鏡見報，「韓妹」形象可算深入民心。
彭慧中
當然唔少得「都市閒情女神」彭慧中！29歲的彭慧中曾參選2010年港姐，火辣身材當時已經成為焦點，後來佢成為 《都市閒情》主持之一，雖然因為節目關係要保持端莊形象，上身要著得密密實實，不過彭慧中就成日著短裙騷美腿，睇到男士們心心眼！仲有仲有，上身密實唔代表無嘢睇，你懂的……
｜激罕噴血泳衣照
平時唔常更新社交網的彭慧中，今年復活節假派禮物俾大家！相中見到彭慧中身穿泳裝坐喺石壆上，一雙長腿固然吸睛，不過都唔及件泳衣！泳衣設計中門大開，中間個窿由心口開到肚臍，只係有幾條繩遮一遮，酥胸半露，加下彭慧中眼鏡半除的神情，噴晒鼻血啦！
彭慧中雖然出名有好身材，不過唔係成日會派福利，所以好難得呢！
｜2010年選港姐
彭慧中2010年時參選港姐，可惜最後三甲不入，同屆三甲為冠軍陳庭欣、亞軍張秀文及季軍莊思明。
｜激罕行泳衣騷
早年彭慧中更同台灣性感女神雞排妹(鄭家純) 一齊行泳衣騷，極罕有公開性感示人，往事只能回味！
李錦聯 安德尊
「大王」安德尊同「TVB廚神」李錦聯自09年喺《都市閒情》主持「今晚食乜餸」開始就火藥味勁濃，雙方一度傳在錄影廠動粗，直到前年李錦聯離巢無綫，之後兩人未有再合作。
有片睇：
YoYo陪你靚住放暑假
原來索人妻陳自瑤(YoYo) 都做過《都市閒情》主持？早年YoYo主持「YOYO陪你靚住放暑假」環節，一樣係吸睛到不得了！
延伸閱讀：
