鍾袁大戰｜袁嘉敏行蹤曝光 前往法國展開新生活

港姐出身嘅袁嘉敏，日前突然公開怒斥百億富三代鍾培生及鍾父有「古怪要求」，引發「鍾袁大戰」，但爆料後又表明將會離開香港，遠離是非之地。呢日佢再喺社交網披露最新行蹤，佢上載與網友嘅對話截圖，表示會去到法國嘅波爾多生活一至兩個月，又笑言叫大家提醒佢喺當地唔好飲咁多酒，並指亦會到喺法國同歐洲遊走探望朋友，預計尾站去巴黎逗留一至兩星期後，約於7月回港。佢又指今次係自己一個人出遊，故冇具體行程，似乎佢未受鍾培生父子一事影響心情，已準備好喺法國開展新生活。