鐵拳英雄｜《城寨英雄》班底製作 演員陣容夠吸引 已離巢王君馨被消失？

TVB劇集《愛上我的衰神》播映完畢，由前名《唐人街》嘅《鐵拳英雄》接檔於今晚9時半播出，終於由去年9月倉底貨變2022年首部播出嘅劇集，亦係由《城寨英雄》班底製作。

《鐵拳英雄》以曼谷唐人街為背景，講述30年代擅長八極拳嘅步青雲（陳展鵬飾）一家去到曼谷唐仁街，父親壯烈犧牲，弟妹意外失蹤，而母親丁細鳳（元秋飾）變得半瘋半痴；25年後，步青雲重踏唐人街被捲入當地黑幫衝突，於是自組華僑會扶善懲惡。

其實TVB已久未播出以武打為主嘅劇集，陳展鵬與陳山聰接受訪問時透露《鐵拳英雄》係佢哋拍劇有史以嚟打得最甘嘅一次。另外，《鐵拳英雄》演員陣容鼎盛，包括陳展鵬、唐詩詠、陳山聰、姚子羚、伍允龍、元秋、王君馨、劉穎鏇、歐瑞偉、張國強等；基於呢套劇搵嚟TVB稀客元秋，亦係王君馨、林師傑離巢前作品，當中有份演出嘅梁舜燕亦已於去年離世，所以劇入面唔少演員都成追看原因。

TVB近日連環播出《鐵拳英雄》宣傳片，亦有喺微博官方帳號作宣傳，貼出劇集簡介及多張劇照，不過就無發佈到任何王君馨嘅劇照，文底亦唯獨無標記王君馨名字。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！