雅虎香港新聞 
陳妍希陳曉大婚 星級兄弟姊妹團現身
33歲的台灣氣質女星陳妍希與29歲的內地小生陳曉，喺本月5日、即係男方生日當日在合肥領證結婚，同時宣布女方已經懷孕三個月，可說是三喜臨門！雙陳今日就在北京舉行婚宴，早上就當然要跟足傳統進行一連串接新娘、向雙方父母敬茶等儀式，另外仲有唔少得的玩新郎環節！即刻睇睇！
延續閱讀︰
陳妍希陳曉大婚 夢幻婚宴場地曝光
取消泳褲環節 回味港男激凸畫面
呢兩位係妍希的父母，妍希媽媽眼見愛女出嫁難免傷感，所以在祝福女兒的同時，亦流下不捨的眼淚！
至於陳曉帶住新娘子走到父母面前時，竟然緊張到唔知用邊一隻腳行先，好似迷失方向咁！難怪佢都不禁幽自己一默︰「我突然不會走路了！」
完成敬茶儀式，一對新人亦專心聆聽雙方父母囑託，最後一對新人仲有雙方父母影張全家福，上午儀式完成！
一班索爆姊妹着上粉紅色Low cut短裙，手持紅色花球，包括有陳喬恩、鍾欣桐(阿嬌)、胡冰卿、袁子芸等；而兄弟團方面就有陳翔、鄭國霖、王茂蕾、張哲瀚等人，身穿黑色長衫。下頁睇吓兄弟團點樣俾一班索爆姊妹玩到殘！
據知今次的接新娘環節，每一個關卡都係由新娘妍希親自設計，所以難度極高！首先係彩色趾壓板出場，不過好彩唔係新郎陳曉受罪，而係伴郎馮起龍用「公主抱」抱住陳曉行，真係辛苦晒！
之後係最關鍵的默契答題環節，陳曉竟被妍希精心設計的問題完美擊敗，連累一班兄弟要不停受罰，就係要用沾滿wasabi的牙刷刷牙，真係刷到喊出嚟！陳曉對住妍希啲問題無力招架，佢喺隔離睇兄弟受罰時直頭冇眼睇，場面爆笑！
而在遊戲期間，陳曉仲不經意透露出一個甜蜜「小秘密」，就係原來每日臨瞓前，陳曉都要對新娘陳妍希講︰「老婆我愛你一生一世。」真係骨都痺埋！
