陳展鵬追仔慢慢嚟 唔使靠補腎

東方日報
·2 分鐘文章
陳煒和陳展鵬這對前亞視之友,當然默契十足。
陳煒和陳展鵬這對前亞視之友,當然默契十足。

很久沒有劇出街的陳展鵬預告今年繼續缺席台慶頒獎禮,他稱沒有不快,反而覺得靜一靜是好事,又否認睇中醫補腎追仔之說,目前並不急於生B。

陳展鵬、陳煒、江嘉敏、陳敏之等昨日在將軍澳電視城為劇集《黯夜守護者》試造型,展鵬因沒有新劇推出,連續2年未獲台慶頒獎禮提名,他說:「未收到公司通知,如果公司想我出席,我都想出席嘅,都兩年冇出席;但係因為冇劇出,所以今年都應該唔會,等下年先去。(兩年冇劇出唔開心?)咁又冇,反而係良性,一年出3、4套劇,唔好話觀眾,我自己都攰,角色亦難有大發揮,呢兩年畀我靜咗,觀眾可以多啲選擇,公司又可以捧新人,係好事。(有傳讓路畀王浩信攞視帝,所以冇劇出街?)梗係唔會啦,你問我反而驚劉丹多啲,浩信都攞過啦,佢啲劇都好多觀眾鍾意。」

他又否認被指睇中醫補腎追仔,只是老婆單文柔調理身體,短期內也不會追生BB,順其自然。

江嘉敏嫌男友猙獰

江嘉敏近日上載被男友「公主抱」照片「放閃」,她說:「因為男友30歲生日,所以送呢個post畀佢,平時出post要收錢o架!不過,佢就話叫我要減吓肥,好多NG,拍咗10幾次,見佢抱起我個樣都有少少猙獰。」她透露雖然已經減了十多磅,但磅數依然過百,她笑說:「監製剪《食腦喪B》見到我個樣圓到好似足球咁,話剪咗我好多。」

袁文傑唔慣做老公

飾演單親媽媽的陳煒戲中有位14歲兒子,問到現實生活中跟男友與前妻所生的小朋友相處,對揣摩角色可有幫助?她說:「冇接觸。」剛結婚的袁文傑指婚後沒有太大改變,笑謂初時最不習慣被稱呼老公。

江嘉敏仍然認為有減肥空間,目標是百磅之內。
江嘉敏仍然認為有減肥空間,目標是百磅之內。