陳敏之被「遲到大王」恰 關徐子珊事?

·1 分鐘文章
陳敏之與黎諾懿在圈中打滾多年,見盡人生百態。
陳敏之與黎諾懿在圈中打滾多年,見盡人生百態。

「索腿天后」陳敏之在網上平台訪問好友黎諾懿,大爆昔日拍劇時被某演員「恰」,每逢有她的場口,對方便會遲到,而且遲足45分鐘至1個鐘。一直啞忍的她,有次終在車上「大爆發」:「我突然間好似癲咗咁話:『幾點呀依家!全村人等緊你喇!你依家係咪恰我呀?快啲啦!』」當時對方一臉尷尬並極速埋位,自此2人變成仇人。有網民猜測她所指的是徐子珊,敏之受訪時說:「梗係唔係啦!呢個節目係為咗娛樂大家,冇話所指係邊個,大家輕輕鬆鬆睇吓,唔使揣測。」

至於黎諾懿踢爆有數位演員經常No Show,而他最嬲的是有人不懂做戲,卻愛教人演戲:「攞本書出嚟同你講嗰啲戲劇理論,仲要同你傾劇本點改,我會同佢講,不如做好自己先啦!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能