陳柏宇新歌 sica 獲邀合唱為家族爭光 女兒 Abi 與 Audrey 粉墨登場參演 MV

陳柏宇 Jason 繼上次與 Yellow! 野佬合唱〈唞〉後，今次找來 sica 合唱新歌〈可靠我〉，MV 亦有兩位可愛女兒陳羿辰 Abi 及陳星晴 Audrey 粉墨登場參與演出。

sica 深感榮幸參與合唱 猶如替家族爭光

這次〈可靠我〉找來 sica 的參與，為歌曲起畫龍點睛的作用。監製 Edward Chan 以近年流行的雙旋律並行創作模式，讓 sica 以甜美高八度與 Jason 合唱，除了切合歌曲主題 — 互相依靠沒有任何界限，這種八度差距平行演繹，更象徵在平行世界裡的另一角落引起了共鳴，強化歌詞的深意。對於今次的合作，sica 表示：「好難以置信，我收到消息時都問工作人員：『我喎！？Jason 喎！？陳伯喎！？』點解會係我呢？實在好榮幸，我本身都好鍾意 Jason 嘅歌，聽咗好多年，而家有一首歌有我個名出現，係為我嘅家族爭光。」在錄音室灌錄〈可靠我〉時，sica 對於歌詞也感到共鳴，她解釋道：「錄音嘅時候，我會諗起我隻枕邊貓，佢一定要瞓喺我隔離或我頭上邊先肯瞓覺，我亦先可以瞓得著，好多歌詞內容都呼應到佢嘅貓生。」

Abi 再次參與 MV 演出 拍攝時與 Audrey 出現爭寵場面

至於歌曲 MV 裡，導演特別讓 Jason 這位爸爸在短短的幾分鐘內，經歷與女兒成長期間的大小事情。女兒 Abi 及 Audrey 亦參與了今次的演出，Abi 更是自〈後排慶功宴〉後再次參演 Jason 的 MV。Jason 與 Abi 在茶餐廳內一起吃早餐，整個過程就如平時早上開 IG 直播一樣，不過 Jason 大讚 Abi 道：「Abi 今日（拍攝當日）食嘢係明顯正經同快好多，因為佢知係要拍佢食嘢，但佢做得好好，超越咗我幻想佢會出現嘅怕醜、唔想做、唔肯做、尷尷尬尬嘅佢，今日係超乎我想像地完成佢嘅部份，仲比平時食得多嘢。」至於年紀較小的 Audrey 亦不怕生保，在鏡頭前真情流露，與 Jason 溫馨互動，可愛至極。鏡頭外，Abi 與 Audrey 都十分黐 Jason，不時要牽著及攬着 Jason 的手或腿。有時 Jason 只照顧其中一個的時候，另一個就會纏着他不放，結果在現場就不斷上演爭寵事件，不過 Jason 都十分細心，輪流氹兩個女兒開心，甚至左右手分開抱著兩個女兒遊走整間茶餐廳，所以女兒也沒有任何投訴，Jason 的臂力更是令人大開眼界！

特技化妝變身「陳伯」 笑談女兒奉子成婚的看法

在 MV 的故事設定上，Jason 經過特技化妝化身成為年老的「陳伯」，幻想自己老年後面對女兒的情景。特別問到 Jason 對於女兒將來的狂想，可有想過她們將來是屬於文靜或是好動類型，他坦言：「兩個可能性我都有幻想過，但唔一定係三歲定八十，因為唔單只係將來會經歷嘅嘢，仲有佢哋天生應對事情嘅轉變模式，所以我完全估計唔到將來 Abi 同 Audrey 大個會點，但以佢哋而家嘅性格去睇，佢哋都係偏向 outgoing（外向）。」MV 裡面有一幕是女兒說自己要奉子成婚，問到 Jason 如果發生在自己身上會有何反應，Jason 搞笑道：「睇下佢幾多歲，如果三十歲奉子成婚，我會話『好呀！』；如果四十歲我會鬆一口氣『終於都嚟喇！』；如果十五歲同我講奉子成婚，就梗係唔同啦成個反應！」說到未成年要奉子成婚時，看見 Jason 作狀起腳，就知道他對於女兒有多著緊。