李珊珊近况曝光 復出主持節目獲黃日華祝賀 曾歷驚恐症每日徘徊地獄折返人間

李珊珊1996年參選香港小姐，勇奪冠軍、最上鏡小姐、最受傳播媒介歡迎獎及才藝小姐獎項，成為「四料冠軍」，1997年更奪得國際華裔小姐亞軍，加入演藝圈後曾拍攝《烈火雄心》、《撻出愛火花》、《鑑證實錄》等劇集，2005年開始減產，其後神隱7年，一度傳出患腦癌及抑鬱消息；直至2019年，李珊珊為精神健康基金會拍攝短片，分享患上驚恐症及治療期間過程，指自己於2017年出現發熱、冒冷汗及呼吸困難等症狀，感到身處瀕死邊緣，直言每日徘徊地獄又折返人間，後來積極面對，令病情慢慢變好。李珊珊轉型做作家，今年4月更逆市創業，近日亦復出幕前主持節目。

李珊珊今年4月與友人合資於尖沙咀開舖，售賣寵物保健產品、卡通擺設及雜貨，當時佢就於社交平台PO出多張店舖籌備嘅照片，表示由地上嘅草地到天花板射燈都係佢與友人鋪上及選擇：「自己地氈自己鋪，自己櫃檯自己鑽」，凡事親力親為。早前，李珊珊又創立YouTube頻道「三坐山 Mount Trio」，除咗李珊珊，更有劉明軒、余迪偉、JJ詹朗林、KOL阿寶等人主持唔同節目。李珊珊於未正式開台時，曾於IG限時動態分享指收到黃日華祝賀，感到非常開心：「剛才像瘋子一樣，專欄趕稿給編輯……突然WhatsApp亮起，竟是收到華哥，黃日華的訊息！他看到Mount Trio 新聞，來祝賀我們。我開心到！癲咗！癲咗！癲咗！」李珊珊負責主持頭炮節目《神醫請坐》，並聲音道航：「不論係大人或細路，喺唔同年紀都有佢哋嘅生活方式，問一問自己有冇活出你想要嘅模樣？當中有啲乜嘢阻礙咗你，定係太渾濁搵唔到自己？尋找嘅過程可以好複雜，又可以好簡單，開開心心自自在在享受當下，我哋嘅幕台相信畀到你。」當李珊珊訪問醫生嘉賓時亦笑得開懷，相當精神。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！