飛虎3壯志英雄｜傅嘉莉低胸登場被內地打格處理 TVB還原完整畫面令觀眾大飽眼福

TVB劇集《飛虎3壯志英雄》正熱播，不過其實劇集已率先喺內地上架，部份觀眾已先睹為快，而當時喺內地首播時，較為爭議嘅竟然係傅嘉莉穿上低胸晚裝出場一幕，事關內地平台將傅嘉莉心口位置打格處理。

傅嘉莉以一身鮮紅色Deep V吊帶裙出席慈善會，雖然劇情並非講述任何性感誘惑內容，但唔知係咪因為本身傅嘉莉身材姣好關係，於內地首播時，其事業線位置變得模糊一片，疑似與內地影視尺度有關，網民大呻咩都睇唔到，相當可惜。

近日《飛虎3壯志英雄》亦講到由馬德鐘、黃宗澤、吳卓羲及陳瀅等人為首嘅S Team成功瓦解「瓦干布恐怖組織」，開始調查杜文彬（郭晉安飾）嘅醫藥公司，揭露佢與董啟超（羅樂林飾）嘅關係，而飾演羅樂林私人秘書JJ嘅傅嘉莉於日前（11日）一集出場，TVB就將完整畫面還原，傅嘉莉豐滿上圍極吸睛，令觀眾大飽眼福；傅嘉莉於劇中暗地執行槍擊、嚴刑迫供等任務，唔少網民都表示好期待傳嘉莉接下來嘅演出，仲留言話：「傳嘉莉好正！」、「點解唔係女主？真係大材少用」、「女神好美 好想睇妳做戲」、「早就應該show下料！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！