《香港愛情故事》林景程演地產經紀 憑生鬼演技及抵死金句獲網民讚賞

·4 分鐘文章
《香港愛情故事》(YouTube影片截圖)
《香港愛情故事》(YouTube影片截圖)

無綫劇集《香港愛情故事》由羅天宇、龔嘉欣、龔慈恩、白彪、王敏奕及游嘉欣等人主演,劇集講述香港老中青三代人嘅愛情故事,當中仲圍繞住唔少人所面對嘅問題,成功引起觀眾共鳴。劇集題材夠晒貼地之外,劇中演員嘅表現亦令觀眾好有驚喜,當中包括飾演地產經紀Henry嘅林景程(King)。

劇情一開始講到苦命情侶Ronny(羅天宇飾)同Katy(龔嘉欣飾)買樓預算唔多,但又心頭高想買一個理想嘅單位,而地產經紀Henry就同佢哋周圍睇樓,期間Henry爆出唔少盞鬼金句,道出港人心聲,例如:「你冇錢啊嘛,冇錢選擇自然細,係咪都買咗先,平平哋,到時你咪放囉,你再係咁等落去,你等到佢收經都買唔到樓!」及「唔好望啦!買唔起㗎!你哋個要求就喺額頭,但係你個budget就係乳頭,我想你哋向現實低頭啊!」等等。

之後,Henry說服Ronny同Katy決定租劏房暫住,例如「到時喺度擺張床,之後呢度擺部咖啡機,伸一伸手就拎杯咖啡嘆,效率!」、「細有細好喎,我哋放工好攰架嘛,仲要拖地、掃地,呢度就唔同啦!幫你慳返好多清潔時間」及「人生最花時間就係食、瞓同屙,你呢度轉個身乜嘢都做到喎,慳返你人生幾多時間呀?你諗下!」等等。

雖然佢哋已經住緊劏房,不過劇情就講到Henry繼續帶佢哋去睇樓,而Ronny同Katy就好喜歡嗰個單位,Henry繼續用佢嘅三寸不爛之舌,成功令到佢哋心郁郁,例如「呢度交通非常方便,點解咁講?因為出年港鐵站一落成,你三分鐘就到港鐵站,過海唔使半個鐘,一小時生活圈好輕鬆。」、「我真係見你先講架咋,你唔好話畀人,呢個盤比出面足足平咗兩成。如果唔係個業主趕住移民,做唔到呢個價㗎!呢啲機會真係只有一次」、「如果你哋有錢俾到首期,唔好考慮咁多,如果而家唔買,可能一世都買唔到。」最後,Ronny同Katy決定買呢個單位,仲俾埋臨時訂金。

口才一流嘅林景程,今次憑生鬼嘅演技,演活地產經紀角色,搶鏡程度爆晒燈,唔少網民都好鍾意呢個角色,紛紛留言大讚佢做得好好同有棟篤笑味道,仲話想跟佢去睇樓,例如:「好盞鬼 幾時轉左做搞笑藝人架?」、「幾鍾意睇你,因為你每次都能夠將每一個你演的角色生活化,令觀眾更加投入故事裏」、「角色對白好正、好搞笑,感覺好貼地~^^~演得好好,加油。」、「你演得好似經紀」、「講道理講到有啲黃子華feel」、「果真係有你呢一個咁嘅地產經紀, 就算我唔買樓,我都會日日去睇樓」、「真是好應影景,冇講錯」及「做得好好,套劇好好看,特別收經都買不到樓句對白,好好笑。」等等。

現年36歲嘅「御用專業人士」林景程,畢業於香港理工大學物理治療系,07年參加英皇新秀歌唱比賽,兩年後再參加《超級巨聲》後入行。唔經唔覺已經入行11年,多年嚟佢都係飾演配角為主,例如、《四個女仔三個BAR》Lincoln、《三個女人一個「因」》白保運、《是咁的,法官閣下》Brandon及《殺手》小秉等等。林景程除咗係演員之外,仲係物理治療師,現時兼顧兩邊嘅工作。因為太熱愛演戲嘅關係,佢話唔會放棄,雖然有時好攰,但都會盡量安排好時間。

《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
《香港愛情故事》(YouTube影片截圖)
林景程
林景程
林景程
林景程
林景程
林景程
林景程
林景程

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!