馬國明唔抗拒情侶檔賺外快

【星島日報報道】馬國明昨日為商場舉辦的「Drayon Ball Z爆烈激戰娜美星」期間店拍攝宣傳照，對於疫情持續，他表示忙於為新劇《白色強人2》在廠景拍攝，暫時只有主要演員參演，人數較少會安全些，而且工作人員均戴上口罩，所以很放心。他說：「𠵱家未牽涉有大場面，如果有臨時演員參與，相信監製安排稍後才會拍。原本套劇會去瑞士取景拍攝，監製仲決定緊會唔會改地點。」談到無 不時有員工疑似「中招」，馬國明坦言會小心，但覺得無辦法，每日感染人數過百宗，在網上查閱「中招」大廈，發現梗有一間在附近，只能做好自己戴口罩及洗手。

過往不時出席商場騷搵真銀的他，坦言因疫情影響無可避免會減少工作，但有獲邀參與網上廣告，幸好近排亦不停拍劇開工，聖誕節也不能放假，因為要趕在明年3至4月前完成香港戲分拍攝，之後便要到深圳拍攝，屆時需要隔離14日。

問到可有廣告商戶邀請他與女友湯洛雯以情侶檔參與聖誕節及除夕活動？他說：「有就最好，我唔抗拒，未試過呀！睇下有冇第一單啦！不過疫情第四波爆發前，經理人曾透露有人詢問過酬勞價錢，但活動有冇取消就無再問啦！」今年跟女友湯洛雯首次度過聖誕節的馬國明，笑言現正搜尋聖誕禮物送給對方，怎料睇中那件物品的款式後才發現原來香港沒有售賣，所以要再搜尋。他說：「𠵱家仲諗緊，睇下可唔可以託人買或者揀第二樣送囉！不過我會揀實用的用品，可以成日都用到。」

文：鄺芷瑩 圖：錢文坤

■馬明稱《白色強人2》原本會到瑞士拍外景。

■馬明很想帶挈女友靚湯一齊賺外快。

娛樂