高海寧濕誘振朗剝衫 陳展鵬醋爆喊打

·2 分鐘文章
高Ling最近乜都學,食零食正好補充Energy。
高Ling最近乜都學,食零食正好補充Energy。

無綫花旦高海寧在新劇玩濕身,搞到張振朗、陳展鵬為她爭風呷醋,當中振朗剝衫半裸護花,事前特地狂做運動谷肌,展鵬睇唔過眼,揮拳侍候!

高海寧(高Ling)、張振朗、陳展鵬與糖妹日前在屯門為新劇《童時愛上你》取景,劇情講述高Ling因落雨而衣衫盡濕,振朗為免她冷親,脫去外衣為她穿上並送她返家,期間遇上喜歡高Ling的展鵬,即時火起揮拳打振朗!由於要半裸上陣,振朗埋位前就地取材拎起兩個木箱操手臂,又做掌上壓谷胸,他笑說:「估唔到拍完《拳王》都要除衫,之前驚咗,唔想再操住,抖咗好耐先做吓運動Keep住。」

做番「學生」好充實

最近高Ling學滑水、繪畫、踩滑板及滾軸溜冰,坦言疫情令她有很大轉變,經常早起跑步,養成良好的生活習慣:「人生過得好充實!以前覺得來日方長,依家今日唔知聽日事,每日都當係最後一日。(咁灰?)係積極,咁先活得精彩!」她自覺比之前開心,連老竇都感覺到她的能量磁場是金黃色。

劇中高Ling飾演一名公司CEO,因意外變成只有8歲智商,甚考演技,她說:「都幾好玩,因為改咗劇本,所有劇情都好好,好易入戲,對手又好好,有時講對白,大家都忍唔住笑,我都有番啲信心。」振朗自言劇中像家長般照顧高Ling,平日湊慣姪仔的他笑說:「我鍾意同佢哋玩,佢哋係我嘅好朋友。開工辛苦,返到去對住佢哋就好開心,夜晚會喺房同佢哋傾偈。」而他飾演「毒舌」KOL,笑言沒有向朋友借鏡,慶幸身邊沒有這類朋友。

張振朗(右)剝衫護花,引來喜歡高Ling的展鵬呷醋。
張振朗(右)剝衫護花,引來喜歡高Ling的展鵬呷醋。
展鵬嬲到手指指,七情上面。
展鵬嬲到手指指,七情上面。
張振朗埋位前爭取時間操肌。
張振朗埋位前爭取時間操肌。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能