鬥牛活動再起爭議 反鬥牛電視廣告令人反思

講起西班牙其中一個傳統活動，一定要數到鬥牛，呢樣更係西班牙旅遊嘅一大節目，為西班牙政府賺到唔少錢。不過呢，近十年八年就一直備受唔少種物權利組織嘅狠批，畢竟將一隻公牛活生生鬥死刺死，過程既漫長又殘忍，的確引起唔少人公憤。近日有電視廣告，喺鬥牛場之中，一位鬥牛勇士鬥嘅竟然唔係公牛，係一隻速龍！最後經一番瘋狂刺擊之後，速龍奄奄一息瞓喺地上，鬥牛勇士再向無還手之力嘅速龍一刀刺向頭部，將其痛苦地殺死。最後廣告出現一句字眼「以為這是歷代久遠的活動嗎？不，今天仍在進行。」然後再揭開原來一直影片之中嘅速龍只係CG，真實畫面其實係一隻公牛。電視廣告出街後，難免令人反思鬥牛活動究竟有可用意？我哋又係咪應該為咗滿足觀感而去殺死一隻動物呢？其實鬥牛源自中世紀，歐洲各國為慶祝國家大喜日子，會由王公貴族去騎馬刺牛助興，及後發展到王室成員為顯身手，親自於鬥牛場刺死牛隻。一直至18世紀以後成為民間娛樂活動。目前西班牙鬥牛已經係專門職業，有學校添喇。

廣告之中嘅鬥牛勇士對付嘅唔係牛，係速龍。

速龍倒地，無還擊之力，再一手殺死佢。

其實成條影片中嘅速龍係CG部份，真實嘅影片之中受害嘅係公牛。

相關文章：

港女不懂撒嬌？女生旅行時4大舉動睇岀佢有機心

【西營盤】粉藍咖啡屋，喝一口茶享受寧靜的周末時光

去旅行現真身？ 四大「公主」特徵嚇親另一半

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！