麥貝夷疑力數男友惡行 翟威廉成頭號嫌疑人物 與前港姐緋聞傳足10年

·2 分鐘文章
麥貝夷疑力數男友惡行 翟威廉成頭號嫌疑人物 與前港姐緋聞傳足10年
麥貝夷疑力數男友惡行 翟威廉成頭號嫌疑人物 與前港姐緋聞傳足10年

歌手麥貝夷(Karene),噚日喺IG限時動態留言,疑力數男友惡行,指對方多次瞞住自己出軌、性伴侶數量驚人,及被對方唱死纏爛打,最後麥貝夷仲祝對方生日快樂。由於翟威廉(William)曾與麥貝夷傳緋聞,加上噚日正正就係佢36歲生日,所以令佢成為頭號嫌疑人物。消息傳出後,傳媒向翟威廉求證,佢就即刻否認及感到非常無奈。

現年36歲嘅翟威廉,2005年參加《亞洲先生》並獲得亞軍,2009年約滿後離開亞視。2010年參加《香港先生》成為八料冠軍,多年嚟佢拍過唔少劇集,但可惜星運平平,暫時都未有代表作。至於感情方面,翟威廉與陳庭欣(Toby)係同屆嘅港姐港男冠軍,有傳佢哋喺2011年秘密拍拖,不過當事人當然例牌否認,直至2016年Toby戀上「有米大狀」唐偉倫,五年情正式玩完。2018年翟威廉被指戀上劉佩玥(Moon),有報道指佢哋試過喺拍劇期間拖手及飲同一盒飲品。上年年尾,翟威廉與Toby被影到去私竇密會,繼而傳出二人翻撻,不過事後佢哋都話係羅浩銘約佢哋食飯。

現年35歲嘅麥貝夷,2011年與鍾一憲以情侶檔合唱情歌《勾手指尾》唱到街知巷聞。2017年Karene大方承認與樂隊KillerSoap成員陳樂恒拍拖,可惜兩人拍拖僅7個月便告終。2019年佢又與翟威廉傳緋聞,除咗被傳媒影到行街拍拖之外,佢哋有一段時間仲經常一齊開live夾Band。

麥貝夷
麥貝夷
麥貝夷
麥貝夷
翟威廉
翟威廉
翟威廉
翟威廉

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!