黎諾懿恩愛秘訣勝在夠懶

東方日報
·2 分鐘文章
黎諾懿教男人懶一點才可細水長流,應該很多女性會抗議吧!
黎諾懿教男人懶一點才可細水長流,應該很多女性會抗議吧!

黎諾懿與前港姐李潔瑩2014年結婚,今年踏入「7年之癢」,至今仍恩愛如昔,秘訣竟然是靠「懶」、「不浪漫」來維繫。黎諾懿收入「全奉獻」,坦言沒錢自然不身痕。

黎諾懿與李潔瑩結婚7周年,育有一子「小春雞」,一家3口生活美滿。黎諾懿坦言不是浪漫之人,太太亦一直覺得他很悶,笑言:「相識至今9年,感情都冇咩分別,所以我奉勸大家,對住女朋友唔好開行個Turbo做咁多浪漫嘢,唔做咁多就冇事。」太太直言每個女仔都想有浪漫時刻,但自己其實亦很懶,所以大家都不用做花巧嘢:「我要求低啫,最浪漫就係去旅行。」

雖然丈夫在娛樂圈工作引誘較多,但她反而覺得所有人都幫她看管老公更為安全。黎諾懿說:「我入行17年,如果為咗一個誘惑犧牲17年嘅努力,我覺得好唔抵,唔值得,有得玩應該係後生時玩,唔係依家先嚟玩。自己收入全奉獻,冇多餘錢就唔會身痕。」

夫妻間冇秘密

他表示以前會備案跟哪位女演員有親熱戲,但現在已辦不到:「唔通無端端講會同邊個錫咩。」李潔瑩亦不介意:「佢真係乖,生活好簡單,我都唔會去檢查佢手機,我哋兩個手機密碼一樣,我知道晒佢所有嘢。」他亦向太太大派定心丸:「重點當然係愛你啦!」