點果皮蒸泥鯭 鋪面食材竟是橙

從照片所見,泥鯭鋪上一層橙皮絲,賣相並不吸引。
從照片所見,泥鯭鋪上一層橙皮絲,賣相並不吸引。

【本報訊】果皮蒸泥鯭或稱陳皮蒸泥鯭,做法是在蒸煮泥鯭時放上陳皮添加風味,不過有市民日前在社交平台群組「香港街市魚類海鮮研究社」,貼出用膳時出現的一碟新鮮「果皮」蒸泥鯭照片,並在貼文大呻「冇陳皮又唔講聲」,甚至補充指「仲要畀我見到個樓面阿叔坐喺度食橙!」

「仲見樓面阿叔食橙」

從照片所見,碟上3條泥鯭鋪上一層橙皮絲,佐以疑似芹菜的蔬菜粒,賣相相當「鮮艷」,更引來逾2,300個表情回應及近300則留言。

不少網民笑指「果皮即係生果嘅皮,佢冇講錯喎」,又稱「冇違反商品說明條例」、「再嘈,畀腳皮你」。但有識食網友直言「整碟魚睇見都唔想食,不論它是果皮還是陳皮,啲魚浸在黃綠的水上,完全不能接受,怎麼可以擺上枱」,甚至有人表示「搞到變咗廚餘」、「望落好臭」等等。