43歲「醬爆」何文輝被野生捕獲近照曝光 網民幾乎唔認得

喺「星爺」周星馳嘅經典電影《少林足球》飾演醬爆嘅何文輝憑角色爆紅，之後便片約不斷，長撈長有。現年43歲嘅佢近日被網民野生捕獲，導致近況曝光。

周星馳嘅電影裡常會出現好多亮眼配角，而醬爆絕對係其中之一。佢近日被網民野生捕獲，並將拍攝影片放到社交網站上。喺影片中，佢打扮非常樸素，只著上T恤、短褲及涼鞋，匆匆忙忙入𨋢，未有停低與網民影相。

影片曝光後，有網民留言表示佢肥咗好多，唔認得佢，亦有網民認為佢可能未有心理準備，佢唔想影相，係情有可原。