48歲袁彩雲嫁富貴老公後定居加拿大 事隔4年返港 網民激讚逆齡生長

袁彩雲於1996年勇奪港姐季軍入行，多年來參演過唔少劇集，直至2009年與加拿大籍飲食才俊江銘峰（Anthony）結婚，據知老公喺加拿大經營7間餐廳，身家有傳達逾億港元，二人婚後育有囡囡Alycia。袁彩雲選擇淡出香港娛樂圈，一家人定居於加拿大，今年3月更加係與老公結婚15周年，當時佢就喺社交平台上載與老公當年嘅結婚照片，幸福滿滿。日前，袁彩雲藉囡囡放暑假就帶咗佢返香港，網民見到佢分享嘅照片紛紛大讚48歲袁彩雲擁有凍齡美貌。

袁彩雲於社交平台PO出多張動態照片，包括自拍照、與女兒睇維港夜景照，以及與朋友嘅合照，寫道：「很興奮，事隔四年，我們終於再回港來渡過我們的暑假 #香港 #香港旅行 #事隔四年回港 #掛念你們 #盼望家人 #在這裡 渡過一個快樂夏天 #暑假的快樂」，一班網民除咗留言指囡囡Alycia同袁彩雲好似樣，更激讚袁彩雲逆齡生長：「keep得好」、「好靚，完全無老過」、「為何越来越美！」、「哇，姐姐你是逆生長」、「姐姐做乜越来越後生」、「靚媽」、「她很自然漂亮」、「比年青時候更好看，狀態真好！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！