71歲駱應鈞現身TVB活動 大病過後恢復容光煥發

TVB旗下mytv Super舉行活動，邀請劉丹、陳榮峻同駱應鈞擔任嘉賓。離巢多年嘅駱應鈞罕有現身，喺活動上分享拍當年金庸小說改編劇嘅情況。駱應鈞話當年喺《倚天屠龍記》飾演金毛獅王，因為角色造型而要大熱天時著上厚厚戲服、黐假鬚同戴隱形眼鏡扮盲，仲要去離島拍外景，令佢感到相當辛苦。原來駱應鈞9歲時已經睇金庸小說，難怪對劇情相當有見解。

劉丹同陳榮峻睇《愛．回家之開心速遞》都見得到，近年主力北上發展嘅駱應鈞，數年前曾經因為腎石入院，但今次現身睇落精神唔錯，相信身體狀況已經好返好多。

駱應鈞1975年考入TVB藝訓班後效力大台多年，曾經主演《壹號皇庭》等劇集，被封為TVB綠葉王。2011年駱應鈞決定離巢，曾加盟香港電視HKTV，後來再轉往內地發展。2019年駱應鈞接受心臟檢查，卻發現有腎石而要做手術，最後住咗40日醫院再休養4個月。康復後駱應鈞減少工作，但仍然會北上登台同做帶貨直播。

駱應鈞家有4兄弟姊妹，家姐駱友梅係信報創辦人林行止太太，細佬駱應淦就係資深大律師。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！