雅虎香港新聞 
90後新黃蓉 李一桐 人氣急升 細數歷年經典黃蓉
金庸名著經常被翻拍，好似2014年就有陳妍希同陳曉主演嘅《神鵰俠侶》，因爲主角嘅外貌同書中人物相距甚遠，令該劇一直惹人笑柄！今年内地又再次翻拍《射鵰英雄傳》，今次選角就合適啦，更令劇集大獲好評！ 今次劇組就起用90後嘅 李一桐 飾演黃蓉，此女眼大大惹人憐愛，還原咗金庸筆下黃蓉「肌膚勝雪，嬌美無比，容色絕麗。」嘅形象！其實多年來都有唔少女星演過黃蓉，翁美玲、朱茵、周迅等各有千秋，邊個最深得你心？
撰文：東方新地
新黃蓉 李一桐
今年26歲嘅李一桐就話，其實自己一開始對於試鏡無乜希望，而試戲嘅時候有好多人。估唔到真係選中自己，覺得十分之幸運！
李一桐出道時間不長，所以拍過嘅戲唔多，但套套都好收得，例如出道作《半妖傾城》播放量達五億之多！而李一桐喺入面的表現十分亮眼！
有好多網民就覺得李一桐好似内地花旦趙麗穎長的十分相似，更有人爆料稱李一桐曾經做過趙麗穎替身，唔知大家覺得似唔似呢？
唔止古裝有韻味， 生活照都好有仙氣。
真正的美女可以駕馭到短髮造型。
《射鵰英雄傳》其實已經被翻拍好多次，好多出名大美人好似林依晨，朱茵及周迅等都出演過黃蓉一角，到底邊一位先係各位心目中的黃蓉呢？
林依晨 (2008)
08年的《射鵰英雄傳》由當紅小生胡歌同林依晨出演，但觀衆似乎唔受落，認爲劇情「被改得亂七八糟」，不符合原著。而林依晨當時嘅baby fat 也被觀衆垢病，觀衆認爲林依晨演得不夠精靈。似乎同陳妍希嘅命運差唔多，睇嚟飾演古裝女神都係搵返「錐子臉」嘅女星好啲。
周迅 (2003)
由周迅擔正黃蓉一角的2003年版《射鵰英雄傳》都大受好評。周迅係金庸欽點嘅黃蓉，佢曾稱讚周迅係最忠於原著，最符合他心意嘅黃蓉。金庸甚至直説，周迅比翁美玲更靚！就連導演張紀中都like爆，話周迅「演技成熟、氣質冰冷、靈氣四射」！得到各方稱讚嘅周迅，演活了黃蓉一角！
朱茵 (1994)
1994年版《射鵰英雄傳》由朱茵同型男張智霖主演。最美麗的黃蓉非朱茵莫屬。朱茵絕對係數一數二嘅大美人，當年「紫霞仙子」一角令佢人氣高企。而1994年《射鵰英雄傳》都係朱茵的新突破，喺劇入面，朱茵飾演嘅黃蓉加入唔少新元素，好似撥弄小辮同嘟嘴，對觀眾嚟講，都幾新鮮！
翁美玲 (1983)
講到最經典版本，點可以唔提1983年《射鵰英雄傳》？提起翁美玲，大家一定記得佢飾演嘅黃蓉，當年同飾演郭靖嘅黃日華可謂一對金童玉女。而她將黃蓉調皮可愛的一面拿捏得好好！呢啲咪就係「大眾回憶」囉！
可惜，呢位美女出名之後，喺1985年於寓所開煤氣自殺身亡，終年26歲，香消玉殞。同劇演員黃日華同苗僑偉提起翁美玲，都深感惋惜，話翁美玲經常教導佢哋做人嘅道理，叫人唔好衝動，點知衝動嘅就係翁美玲自己。
全文完
延伸閱讀：
