Coffee殘廁纏綿事件 廁格對話足本爆
Coffee 自從發生「殘廁纏綿」事件後,已經喺社交網站同傳媒面前講對唔住,話知自己有問題,仲話會改,一切都獨力承擔。至於身為上市公司高層嘅「慢熱男」就據報潛水返咗大陸,留低Coffee自己面對。另一方面,喺灣仔開遊戲機用品鋪頭嘅Coffee媽就好擔心,昨日開腔回應。
Coffee媽:「(家人)個個都好唔開心⋯⋯佢未婚,佢未嫁,即係兩個拍拖呢,呢啲係正常嘅!其實呢啲人哋私生活,佢唔應該,記者唔應該咁做。我就唔明嗰班記者要咁樣追住佢,真係唔明⋯⋯(嗚咽 )𠵱家咩都無哂啦⋯⋯佢有同我傾過,同呢個人拍緊拖,佢就有同我講,佢話呢,即係呢個人就幾好⋯⋯追佢」
至於條片,尋日就有足本版流出嘞。究竟佢哋係咪拍緊拖?睇吓殘廁足本對話︰
女: 喂呀!放手呀~喂呀~
(六分鐘後)
男:咩話?
女:即係我覺得係朋友就朋友,但係佢原來鍾意我就唔開心
男:你話咩呀?
女:係囉⋯⋯想問點解囉⋯⋯即係覺得係朋友⋯⋯Ok⋯⋯即係我同你咁樣⋯⋯我同你都係朋友嚟,係咪呀?
男:跟住呢?
女:係囉,但係我哋發生咁樣嘅事,我覺得好不幸,但係我唔係咁樣嘅女仔囉,即係我唔係囉,所以⋯⋯所以⋯⋯如果我同你咁樣嘅話,即係證明我係咁樣嘅女仔,我唔想
男:點會啫
女:我哋有錫囉,錫已經好大件事⋯⋯我哋以後唔好見,好唔好?
男:點解呀?
女:唔知呀!我唔想見到你!因為⋯⋯我唔知呀⋯⋯
男:你係我女朋友嚟喎!
女:我係你女朋友?邊個話架?
男:咁你係咪鍾意我呀?
女:我鍾意你呀,不過我覺得你唔會對我真心
男:點解呢?
女:我唔知呀⋯⋯因為你好求其
男:吓?我求其咩?
女:求其呀,咁你同我出過幾次街,你都可以錫我,咁你同其他女仔呢?
男:我呢個星期,我呢個禮⋯⋯我呢個月⋯⋯今年都未錫過女仔呀
女:咁點解你錫我呀?咁點解你要話鍾意我呀?
男:唔知呀,我覺得好想同你拍拖
女:你好醉,我都好醉⋯⋯咁但係我哋點都係朋友,係咪?我哋點樣都會係朋友
男:所以一定係男朋友囉
女:唔!不過我真係唔鍾意你係我男朋友囉!如果我知係男朋友我唔會錫⋯⋯不過我又覺得你唔會係對我真心,即係我覺得我唔會同你一齊,因為你唔係對我好囉,即係你唔係真係鍾意我囉!
男:我唔會鍾意你咩?
女:唔知呀!你會想玩我囉
男:我唔會玩你架!
女:點解呢?
男:我唔係玩人嗰種人,你啲friend 還你啲friend ,只不過我比較慢熱
女:係咩?咁樣叫慢熱咩?點解你咁快錫我呀?
(呼吸聲,18分鐘後)
男:吓
女:唔想突然間有人敲門
男:都唔會有人敲門啦
女:我唔想,返你屋企先啦
(呼吸聲,28分鐘後)
女:你做乜嘢呀
男:對唔住呀!我飲醉酒
女:你飲醉酒就咁對女仔呀?
男:吓
女:咁點算呀?我係咪應該走呀
如果慢熱男真係當Coffee女友嘅,就快D出嚟交代啦。
是日精選