DaDa陳靜豪宅曝光！名牌手袋牆勁吸睛 度假風露天平台好寫意

32歲嘅「宅男女神」陳靜（DaDa）擁有傲人身材，當年以𡃁模身份加入娛樂圈，深得唔少網民愛戴。近年佢轉型做演員進軍影壇，發展亦相當不俗，憑《低俗喜劇》成為第32屆香港電影金像獎最佳女配角得主，演技備受肯定。至於感情方面，情人節當日Dada喺社交網站上載自己喺露天平台捧著一大扎紅玫瑰（365），入面仲插有「Be Mine」嘅牌仔，唔通DaDa有新戀情？除咗疑似新戀情獲關注之外，佢嘅千萬豪宅再一次曝光。

陳靜不時喺社交網站上載生活點滴與網民分享，佢亦不時喺屋企拍照，所以佢屋企嘅客廳、雲石牆浴室及衣帽間已經曝光，當中衣帽間嘅名牌手袋牆更成為網民嘅焦點，因為牆上有多個Chanel及Hermès等名牌手袋，相當吸睛。而最新曝光嘅露天平台大走外國度假風，擺放多張戶外椅和枱，睇落非常舒適和寫意。

有報道指Dada之所以搬進位於西九嘅千萬豪宅，原因係迷信嘅佢聽玄學師傅嘅建議，搬入呢個只可以住一年嘅風水屋。佢自從搬咗入去之後，好事真係浪接浪，例如以7位數字與施念慈旗下娛樂公司續約3年，同時亦與古天樂嘅電影公司簽下3年電影合約，及疑似有新戀情等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！