G.E.M.鄧紫棋直播被質疑整容 大力捏鼻證非事實：整張臉都沒動過

G.E.M.（鄧紫棋）近年集中於內地發展，直至近日加盟華納唱片並推出新專輯《啓示錄》，正式回歸香港樂壇。鄧紫棋2008年出道，當年僅得16歲嘅佢除咗巨肺令人印象深刻，其包包臉及圓鼻特徵，都成為佢嘅招牌；不過近年有網民發現鄧紫棋臉型明顯變尖、鼻翼變窄及鼻樑比以前更高挺，洗掉悉日Baby Fat嘅稚氣，屢傳出整容疑雲。日前，鄧紫棋於社交平台開直播與網民互動，竟然被網民直接質疑：「是不是動鼻子？」

鄧紫棋以短髮造型開直播，未知係咪因為新形象關係，有網民就開玩笑詢問：「是真的鄧紫棋嗎」，鄧紫棋馬上獻唱新歌以證實身份；又有網民留言問及：「是不是動鼻子？」，佢就隨即用手又捏又擠個鼻，仲回應：「我動啥了！我鼻子啥也沒動過，我整張臉都沒動過好不好！」 鄧紫棋又大方表示，懷疑對方係畀自己一個機會澄清整容傳聞。

其實，鄧紫棋過往曾多次被質疑整容，不但話佢塊面細咗，又話個鼻似埋線，同時又被指個樣似足徐子珊。不過，當時都有網民替鄧紫棋澄清，覺得係因為減肥或化妝效果，而且當年出道僅16歲，越變越靚都唔出奇。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！