Jumbo曾淑雅孖阮嘉敏Staycationn扭蛇腰隊酒浸浴 網民:超誘惑
Jumbo曾淑雅除咗係「IG女神」,近年仲愛上行山變成「山系女神」,每次都bra top上陣大騷無懈可擊弗爆身材,今次為了拍攝無綫節目姊妹淘,Jumbo孖住索主持之一的阮嘉敏齊齊玩Staycation,一個晒線一個露腰,長腿齊齊share,難怪網民尖叫!
撰文:東方新地|圖片:曾淑雅、阮嘉敏社交網
Jumbo封胸 阮嘉敏頂上
繼早前孫慧雪和李君妍帶觀眾試玩狗狗Staycation,今次輪到索女Jumbo和阮嘉敏出擊,在酒店Staycation玩到盡,齊齊歎住cocktail著泳衣浸浴騷長腿。
肉照過萬like走唔甩
早前Jumbo現身屯門行山路徑,沿途不停打卡影女神相,bra top同運動褲都超級貼身,搞到現晒形,更有網民直斥佢咁著簡直係引人犯罪!
29歲嘅曾淑雅(Jumbo Tsang)早出道,多年嚟吸納咗唔少粉絲,IG粉絲人數早已破50萬,係咁易喺社交網上載一張靚女相,閒閒地都過萬人like,不過Jumbo絕不欺場,三點式性感相任睇,近年仲多咗好多bra top運動look,因為Jumbo除咗愛上行山,亦不時放做運動視頻上社交網。
被封「山系女神」嘅Jumbo不時分享行山照片及路線,過去一年行遍香港九龍新界嘅山頭野嶺,早前行到去屯門,Jumo喺著名打卡勝地「彩虹欄杆」影咗大量靚相,全身半身大頭乜都齊,不過大家都肯定錯晒重點,唔係欣賞條欄杆同風景,係欣賞Jumbo嘅健美修長身形囉!
修長身形搶fo
呢日Jumbo身穿白色bra top加紅色運動長褲,174cm身高同對長腿真係好搶fo,全身衣物都咁貼身,乜都現晒形,有網民睇完呢輯相,直斥Jumbo著到咁去行山簡直係引人犯罪,著得少都投訴?下次Jumbo著樽領衫去行山好唔好?
延伸閱讀: