MIRROR騷風波︱前女團As One成員鬧爆排舞師罔顧Dancer安全

MIRROR騷風波︱前女團As One成員鬧爆排舞師罔顧Dancer安全

MIRROR紅館演唱會風波鬧到滿城風雨,現為TVB合約藝員嘅前女團As One成員陳苑澄(Tania)今日(3日)亦加把口評論事件,直指有人要為此負責:「其實係咪應該有人要引咎辭職呢?以及呢一行會永不錄用呢幾個人。個個講等警方調查,查就一定要查,到時係邊個要坐監邊個要賠償,到時查完會點判刑係另一回事。出軌、嫖妓、傳出醜聞的藝人都翻唔到身,依家係關乎人命的事故,唔係唔理呀!」並認為演出的Dancer無論受傷與否,都應該追討合理賠償:「要搵律師代表你哋發聲,唔好畀啲人側側膊耍走咗」。

佢又大爆行內有排舞師會提出不合理要求,做高難度動作罔顧安全:「係咪要有forbidden move?叫dancers 2樓打個後空翻落地呢啲我真係聽唔少,當然排舞師要創作,排啲新動作,好睇嘅,所以一定開始排舞前就要work嘢試動作,dancer自己要量力而為,排舞師都唔好咁黐線。唔好再監平監賤咁賣,蝦啲學生唔識,人工又低,工時又長,紅館個台真係唔係咁易行!」

佢係前女團As One成員。
佢係前女團As One成員。
佢直指要追究到底。
佢直指要追究到底。
仲話有排舞師罔顧Dancer安全
仲話有排舞師罔顧Dancer安全
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能