《造星3》「勸退五人組」袁晴晴豁出去推全裸寫真 網民直言無興趣：老左嘅妲己

33歲曾參加ViuTV節目《全民造星III》嘅袁晴晴（CoCo）以車模身份入行，雖然已入行10年，不過作品唔多，試過惹上官非、盜竊罪成以及被花姐歸為「勸退五人組」，狠批佢人前人後兩個樣，只靠負面新聞上位。近日，袁晴晴於社交平台公布將於書展推出首本愛情主題寫真散文集《愛•情 Love Princess C》，除咗必備嘅性感元素造型，更透露將以全裸上陣。

寫真散文集設有雙封面，遠赴韓國及喺香港取景拍攝，設有性感內衣、校服、晚裝及韓服等造型，其中一個浴缸造型更將豁出去以全裸出鏡。袁晴晴表示寫真散文集所有構思都係自己一手包辦，包括主題、取景、造型、內文撰寫等等，又指今次出書可以話係一波三折，因為一啲小意外而將正常需要籌備一年時間嘅寫真集喺2日內完成排版，但就表示係一個好好嘅人生經歷。

袁晴晴表示一直好努力保持身材，希望以最佳狀態見大家，不過網民就好似唔係咁睇啦，分別留言批評其外貌以直言對寫真集無興趣：「榕姨後生版」、「有啲女真係露都唔想睇」、「邊個睇牙嬸」、「原來呢條女仲存在，好心撈唔掂就正正經經搵其他嘢做啦」、「最討厭用頭髮遮住扮瘦，成個妲己咁。係老左嘅妲己呀」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！