雅虎香港新聞 
中環美利酒店Brunch Buffet 半自助餐任食前菜甜品＋活化建築打卡熱點 ｜自助餐我要
中環 美利酒店The Murray的西餐廳The Tai Pan自5月起開始供應Sunday Brunch自助餐，最適合襯著小朋友放暑假、大人又想唞一唞的星期日睡到自然醒，再來悠悠閒閒歎個Brunch。餐廳更設小童Buffet Bar，以小朋友高度、口味度身訂造，非常適合一家大細來家庭日！
撰文：胡蚊｜攝影：邱覺達
中環美利酒店半自助餐Brunch日光花園活化建築
The Tai Pan位於中環活化5星酒店The Murray的花園樓層，自5月起開始供應Sunday Brunch，採取半自助形式，頭盤、甜品都是自取，菜式一點也不簡單，除了精緻甜點外，更有片皮鴨、燒牛肉及近十款Häagen-Dazs雪糕。而主菜則是6選1，有牛、雞、魚、龍蝦，亦有素食risotto可供選擇，菜式按時令更換，讓人更有新鮮感，每位還有3隻法國生蠔、蘆筍濃湯及半熟蛋，非常豐富。
用味醂、味噌醃的鱸魚，再香煎，皮脆肉滑，帶點點香甜，鮮味更有層次。
法國粟飼雞胸慢煮烤熟，佐以復古甘筍，大廚細心將甘筍切成薄片、磨蓉及用小茴烤香，以3款質感伴碟，配雞同吃，有三種風味。
肉眼扒肉質軟腍，配上大廚用牛骨熬成的醬汁，肉香撲鼻，鮮嫩得來帶點油脂。
餐廳所在的酒店去年才剛完成重修，由美利大廈化身成精緻5星級酒店，而餐廳位於花園樓層就正適合採光，吃Brunch時日光流瀉，看著美食當前讓人感覺幸福非常。自助區的圓形小桌上放了大盤鮮花，不少客人都掏出相機打卡，與放滿一枱的cup cake、馬卡龍、朱古力相映成趣；而四周亦有多款沙律前菜、cold cut、風乾火腿、煙三文魚、芝士等，讓客人吃到飽。
不過餐廳最令人讚賞的還是及膝高的小童buffet bar，放的都是孩子喜歡的迷你漢堡、點心、生果，甚至有安排小丑免費扭波波，間中更會有工作坊教小朋友做手工，連小客人亦照顧到，十分適合父母帶孩子來共渡周末。
The Tai Pan
地址：中環紅棉路22號The Murray酒店花園樓層（顯示地圖）
電話：3141 8888
供應時間：逢星期日 12:30pm-3pm
收費： 成人 $598/位、小童(5-11歲)$298/位；如需無限飲用NV”R”de Ruinart Brut香檳、啤酒及紅白餐酒，另加$298/位。
備註：設加一，收信用卡
延伸閱讀：
