「充爆電」返港搏殺 鄧麗欣歐遊零艷遇 繼續守Dry

東方日報
鄧麗欣於意大利逗留逾20天，但遇不到靚仔。
鄧麗欣於意大利逗留逾20天，但遇不到靚仔。

剛放完假的鄧麗欣「充爆電」出席首映禮，神采飛揚的她大嘆意大利之旅沒有遇上單身俊男，感情生活繼續「守Dry」！至於屢傳婚變的苟芸慧亦有現身，但拒絕受訪，匆匆入場。

由香港7位殿堂級導演徐克、袁和平、許鞍華、洪金寶等執導電影《七人樂隊》，前晚於九龍塘舉行首映禮，捧場嘉賓包括鄧麗欣、苟芸慧、王丹妮、劉沛蘅及男團ERROR等，近年屢傳婚變的苟芸慧事先講明不受訪，極速入場。

鄧麗欣早前為電影到意大利出席影展，放完假容光煥發的她笑言：「其實影展得幾日，但總共去咗20幾日，趁機同一個女仔朋友喺意大利自駕遊，由北部玩到南部。」出名多靚仔的意大利卻令她大失所望：「可能我哋去嘅地方實在太偏僻，所以見到嘅都有番啲年紀，單身比較少。」又透露自己有4部戲排住隊上映：「都唔知好定唔好，驚太多觀眾會厭。」

ERROR闖荷里活？

而ERROR被問可希望和多位殿堂級導演合作？成員肥仔說：「全部都想合作，我哋就係咁貪心。有小道消息話有荷里活導演睇中我哋4個，想同我哋合作。」保錡即說：「可以開拍《腸仔四俠》或者《美國大腸》。」談到金像獎直播當晚，ERROR出場即播廣告令粉絲不滿，保錡說：「有幾秒都好呀！」而肥仔指當晚最開心是保錡被偶像張家輝「召喚」，保錡說：「夠厚面皮就得㗎喇！」

ERROR受訪時發揮搞笑本色。
ERROR受訪時發揮搞笑本色。
屢傳婚變的苟芸慧不接受訪問。
屢傳婚變的苟芸慧不接受訪問。