吃貨橫掃曼谷︳陳年緋聞男女 高海寧拍節目勁避林澄光

TVB嘅旅遊節目《吃貨橫掃曼谷》，食正港人久未外遊嘅情況，再以飲飲食食加靚女主持高海寧、彭慧中同陳星妤（前名陳聖瑜）清涼打扮「派福利」，難怪成為網民熱話。除咗畫面養眼，節目另一焦點係高海寧同傳過緋聞嘅「少年食神」林澄光(Michael)，再次一齊主持節目。

2010年，加入TVB冇耐嘅高Ling，被安排同Michael主持飲食節目《為食一條街》，當年有傳媒報導，Michael原來係「隱藏撩女高手」，仲趁拍節目機會撻著高Ling，感情快來快去不了了之。

事隔13年，高Ling已經係TVB女一級數藝人，續約之後首個任務居然係拍返綜藝旅遊節目，都幾唔尋常。據知高Ling同節目組提出盡量避免二人同場，而幕後都相當識做，安排佢地一場打開房門撞見面左左嘅情節，做足交代；而節目播出3集以來，高Ling同Michael只係得一場試食item得佢2個主持，二人亦互動得相當生硬。而高Ling參與節目巡禮時，都話到明「希望（同Michael）唔好再傳緋聞啦」，擺明落閘。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！