周殷廷宣布未來一年免費為全港中學演出 網民激讚真男人：即刻想讀返中學

2024年香港中學文憑考試DSE今日（17日）放榜，周殷廷（YT大哥）昨日（16日）除咗出席餐廳主辦嘅DSE考生打氣Party，仲喺傍晚時份於社交平台發布影片，以身體力行去支持學生，霸氣又大方。

周殷廷宣布嚟緊一年將為全港中學免費演出或分享：「我 YT 周殷廷 在此宣佈，將於未來一年為全港中學生免費演出或分享。所有支出會由我 YT 周殷廷全數負責。同時我誠邀應屆2024年DSE 同學及校友參與是次活動。請立即以學校或校友會電郵至yantingconcertteam@gmail.com」，周殷廷更表示大家可以轉發該帖文予有關人士。一班網民都留言大讚周殷廷好有型以及相當尊敬佢：「不愧係我大佬，好型啊」、「大佬真係好好，好得太過份呀」、「Respect，大佬好Firm好有愛，支持」、「真男人」、「甘型既舉動，必須支持」、「如果我讀中學時期有YT你就好喇」等等，更有網民表示自己即刻想讀返中學。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！