「細細粒」陳嘉佳激減過百磅後翻脹？曾拍片直認糾結考慮變肥返

陳嘉佳（細細粒）近年轉戰內地擔任「吃播主」帶貨闖出名堂，高峰時期曾一晚賺800萬，體重高峰期曾達287磅，唔少網民都替佢健康感到擔心。去年因健康響起警號而積極減肥，信心大增嘅佢喺社交平台大曬泳衣、吊帶衫及著婚紗嘅照片，近日佢再次喺社交網站上載影片，不過身型就好似比之前脹咗唔少。

喺10月1日國慶日，唔少藝人都有上載影片慶祝，當中包括細細粒，佢以「給我的祖國比一個心」為題出PO，上載影片及留言：「願山河無恙！祝繁榮昌盛！#國慶 #祖國萬歲」。影片中嘅細細粒紮上丸子頭，著上黑色連身裙，佢臉部五官同瘦咗嘅時候差唔多，不過身形睇落就好似翻脹咗唔少。

早前，細細粒拍片指自己處於糾結狀態，直言考慮想變肥返：「我想胖回去，胖回一百八斤左右。然後就是很多人說我瘦了很憔悴，但我覺得我瘦了以後很精靈啊，然後就有很多說還是覺得胖胖的我比較好看，可愛，比較有特色？」續指，減肥頭三個月感覺好痛苦，但過咗之後就唔痛苦。細細粒仲話減肥令佢改變飲食習慣，而家都唔會飲凍嘢，並對自己減肥成績感滿意，不過就糾結應該肥返定係再極端一啲，真係瘦到110斤。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！