家族榮耀之繼承者｜梁靖琪得知身世真相好衝擊 演技惹議網民反應兩極

劇集《家族榮耀之繼承者》正熱播，上星期五嘅焦點就落喺梁靖琪（Toby）身上，佢飾演嘅Nana對邊個係佢媽媽感到疑惑，所以就偷睇全家人DNA檢測報告，受到打擊後就大鬧丘家飯枱。呢一幕出街後，網民隨即討論起佢嘅演技。

上星期五（31日）劇情就講到丘芷嵐（梁靖琪飾）偷偷化驗全家DNA，揭秘一家人嘅血緣關係，發現自己同丘守義（羅嘉良飾）冇血緣關係。受到打擊嘅佢仲喺家人用餐時，拎起紅酒飲並一臉冷笑，諷刺屋企人關係很混亂：「我最近睇咗一套狗血嘅電視劇，佢哋成屋人嘅關係亂過亂葬崗。我諗起就忍唔住笑，好好笑。」邵家碧之後去搵丘芷嵐，期間丘芷嵐幻想爸爸發現咗，並趕佢哋離開丘家，同媽媽及阿哥就大鑊，最後失控地尖叫。

雖然有網民覺得Toby嘅角色唔討好及表情肉酸，不過亦有唔少網民認為佢演技有進步，留言話「演技大爆發！在發瘋和頹廢的邊緣拿捏有度」及「飯桌上這段演技真的封神，睇到起雞皮」等等；同時亦有唔少網民對劇中嘅關係極度不滿，認為係「七國咁亂」，留言話「貴圈真亂」、「集集都唔同老母」、「使唔使咁複雜」、「好亂呀」、「好複雜 有無巴打解釋吓」、「呢啲劇情好似以前粵語殘片咁」、「tvb快啲整個新關係圖出黎，好亂」及「你地d關系搞到我好亂呀！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！