「打底王」劉穎鏇唔驚走光 劉佩玥拋胸色誘 馬國明禁靚湯「觀戰」

馬國明與劉佩玥昨日為新劇宣傳，現場播出劉佩玥色誘他的片段，他笑謂要整壞家中電視機，以防未婚妻湯洛雯看到。

無綫新劇《隱形戰隊》演員馬國明、陳山聰、劉佩玥（Moon)、劉穎鏇（Tiffany）與林子善等昨日到寶琳宣傳。劇中「雙劉」有不少性感吸睛演出，現場播出Moon「色誘」馬國明的片段，Tiffany亦有泳裝戲晒最強Body。早前向湯洛雯求婚成功的馬國明笑言該場戲播出時，一定要整壞家中電視機，而玩遊戲時，馬國明與陳山聰先後在石春路上做掌上壓，「雙劉」則分別坐在他們的背上不停擺甫士。

馬國明講到拍色誘戲的情況時笑說：「Moon嘅表現令好多男同事focus唔到，我都focus唔到，攝影師都手震，我唔敢正面望佢。」Moon指該場戲並非賣弄色情，只是搞笑戲：「呢場戲難唔到馬國明，《降魔的》裏面佢連我個胸都掂過。」馬國明即澄清：「（嗰次）佢着膠衫打底㗎！」問到是否淆底不讓靚湯看「色誘戲」？他笑說：「唔係，搞氣氛啫，到時約埋佢睇添！」

陳山聰操肌3個月

身穿短裙的Tiffany與陳山聰玩遊戲用口傳紫菜，她小心翼翼慎防走光，並說：「唔知道有高難度嘅遊戲動作，但係打晒底，好安全。」2人再度合作，山聰讚她進步很大，又透露2人為演反恐部隊，事前花了3個月時間操肌，Tiffany亦說：「今次係人生中最多打戲、最多肌肉、食咗最多雞胸肉嘅一次。」