正義迴廊︳監製翁子光拎買樓首期支持新導演 借100萬嘅K先生係邊個？

今年下半年港產片大爆發，《明日戰記》同《飯戲攻心》都收超過7千萬，而上映兩周嘅《正義迴廊》，雖然被評為三級片影響觀眾層面，但至今票房已經迫近1千萬。《正義迴廊》監製翁子光喺facebook出長文，剖白電影籌集資金嘅重重困難。

《正義迴廊》一場過癮的思考遊戲！請別埋沒一套香港好電影｜影評

【準時八點開飯】《飯戲攻心》充滿香港味道 反映屬於香港人的貼地生活｜影評

古天樂心血之作《明日戰記》：獨論視覺特技，絕對是香港電影製作里程碑！｜影評

翁子光憶述，《正義迴廊》成本近1千萬，但由於題材涉及弒親，內地網絡電影平台負責人已經告知無可能過審，但翁仲唔放棄，竟然問對方「可唔可以剪一個版本其實張顯宗（案中兇手）係收養返嚟而唔係親生仔」。

之後翁子光同公司合夥人孫霏搵好多公司打聽，但多次被潑冷水，甚至有人同佢講「翁導你知而家香港咩環境㗎啦，『香港』兩個字都敏感啦，仲叫我投港片？飲啦﹗……」。多番嘗試後，同父母同住居屋嘅翁子光，決定將本來用嚟買「納米樓」嘅積蓄，用喺《正義迴廊》之上，結果成為套戲嘅大股東。

翁子光曾經拍過同樣以兇案為題材嘅《踏血尋梅》，當時嘅出品人之一美亞娛樂東主李國興答應投資《正義迴廊》，翁又搵多2個匿名人士貸款，但都仲係差100萬。翁子光唯有搵「K先生」，對方一口答應仲爽快話「聽日過數」同「不用多謝我也不用提我，努力為香港拍一部好戲」。好多網友都想知「K先生」係邊個，有人估係近年大力支持香港電影嘅古天樂，亦有人認為係參演《踏血尋梅》做老差骨嘅郭富城。

《正義迴廊》開畫票房只有廿幾萬，唔算突出，但憑口碑拾級而上，剛過去周末周日票房更超過一百三十萬。雖然成績突出，但係票房要有2千萬以上先至真正回本，翁子光都話「不敢妄想二千萬或者更多，感恩很多喜歡這電影的觀眾，有啲甚至睇咗幾次，實在是很大的恩情，能喚起大家愛看港片的熱情，導演跟我一樣都好開心」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！