湯洛雯絕密溫泉照曝光 網民追問係咪馬國明揸機

無綫花旦「靚湯」湯洛雯近日去到日本旅行，連日來佢PO出多張旅行靚相，最新一輯相見佢去到花田，又參觀寺院，不過「寶物沉歸底」，最大驚喜係最尾原來暗藏靚湯嘅絕密溫泉出浴照，見靚湯於山區溫泉泡澡，見佢挨住池邊，露出雙臂及白滑香肩，加上現場煙霧瀰漫，令佢增添仙氣，靚湯仲興奮伸脷，相當可愛。唔少網民都好奇係邊個幫佢揸機，紛紛問道係咪男友馬國明都有同行，仲話好期待可以見到佢哋一齊浸溫泉男女共浴嘅畫面。