雅虎香港新聞 Yahoo Travel HK
第一去旅行感受比初吻仲深刻？地點甚至影響日後生活？
你記唔記得自己人生第一次嘅旅行經歷呢？嗰種坐飛機嘅緊張，去到當地嘅新奇刺激嘅感覺，睇到每一樣異國事物嘅震撼；人生只有一次第一次旅行，感受自必然係非常深刻。Booking.com近日就公布咗一個網上全球調查結果，訪問咗20個國家共15,000位人士，發現原來第一次旅行嘅感覺非常重要；有53%人覺得比第一次約會更重要，51%比第一份工作更重要，36%更加覺得比初戀仲要深刻！而且第一次旅行嘅地點，對自己嘅人生原來都或多或少有影響，有13%人因此而轉工、或者改變感情關係，21%人更加決定離開原本居住嘅城市！至於第一次旅行最受歡迎城市又係邊度呢？第一至第十名順序排名如下：巴黎、巴塞隆那、倫敦、維也納、馬拉加、威尼斯、羅馬、悉尼、蘇黎世、柏林。香港就只有排喺第22呢。除此之外，至於2017年最想用嘅旅遊方式，就係獨自旅行，問及如果單獨旅行，最愛去邊個國家，第一至第十排名順序為澳洲、美國、德國、奧地利、日本、加拿大、中國、西班牙、阿根廷、巴哈馬。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
原來第一次去旅遊嘅感受，竟然比初吻仲令人深刻難忘呢。
（圖：househunting@tumblr）
單獨旅遊刺激又自由，成為今年最受歡迎方法。
（圖：theadventurouslife4us@tumblr）
巴黎係投票中最佳第一次旅遊城市！
（圖：proparis@tumblr）
相關文章：
