舊愛新戀情飽受壓力 鄧麗欣撐方力申：大家畀多啲支持！

藝人鄧麗欣（Stephy）昨日現身活動，對於舊愛方力申的新女友Maple自揭受邪教領袖性侵引起全城關注，Stephy送上祝福呼籲大家支持兩人。而近日Maple再被網民起底，被爆曾與姜濤拍過同一廣告。

鄧麗欣昨日在尖沙咀出席藝術展活動，曾修讀藝術的她相當喜歡欣賞藝術品，每逢旅遊必定參觀藝術館，而她在疫情期間亦重拾畫筆，問到可有興趣開畫展？她說：「都有諗過，但係依家得十幾幅作品，慢慢嚟儲多啲先，同埋有目的去做就唔係咁好，想輕鬆啲慢慢嚟。（有冇畫過裸體模特兒？）我鍾意畫小朋友，同埋以前喺學校學，未去到咁激動，主要畫個樣，其他部分就唔需要住。」講到工作，她指通關後開始要準備飛來飛去，感到有點不習慣，近期亦要準備為電影《12日》宣傳。

Maple姜濤拍同一廣告

對於前度方力申（小方）的新女友Maple（葉萱）揭露受到韓國邪教領袖性侵，兩人飽受壓力，問到可有關心小方？她坦言：「當然知道呢件事，但就冇搵佢，大家都好耐冇見，相信佢身邊有唔少朋友會關心佢，大家應該畀多啲支持。」

另外，有網民翻出Maple在港期間曾擔任模特兒拍過不少廣告，包括保險及銀行廣告等，更曾與姜濤現身同一廣告。該片以姜濤為主角，Maple只得一個大頭近鏡以及與其他演員的遠景鏡頭，與姜濤並未有同框畫面。