陳茵媺甜蜜大晒與老公陳豪韓風情侶照被指P圖過度 網民：爽身粉搽上頭？

陳豪同陳茵媺於拍攝劇集《心戰》時戲假情真，於2013年拉埋天窗，婚後先後誕下大仔陳梓燁（Aiden）、二仔陳浩鋒（Nathan）及細女陳凱婷（Camilla），兩公婆多年嚟都非常恩愛，絕對係圈中嘅模範夫妻。今個月嘅11號就係佢哋嘅11週年結婚紀念日，而佢哋喺去韓國旅行期間前往照相館影情侶照，不過佢哋今次嘅韓式合照就被網民指P圖過度。

喺日前（13日），陳茵媺喺社交網站上載二人嘅sweet到爆嘅韓式合照，並寫上：「사랑해요❤️ I will always love you. ❤️ Happy Anniversary, my dearest.」（我愛你，我會永遠愛你。週年快樂，我最親愛的。）呢個PO一出，雖然有網民留言祝福佢哋週年快樂，不過有唔少網民都留言認為陳豪唔太適合走韓風，及認為P圖過度，例如「陳豪個樣有少少怪喎」、「P圖有d重手左，不過都巧sweet」、「如果唔係知道係你。我真係有d認唔出你身邊嗰個靚仔」、「執相過了火」、「搞到成個尹光咁」、「兩個人様貌有超奇怪嘅感覺..喎定係P咗圖呀?個粧太厚？點解陳生個樣咁奇怪嘅」、「影到陳豪好怪，平時型好多」、「有啲怪 sorry」、「Chur乾晒 面無血色」、「爽身粉搽上頭?」、「點解第一張相咁似張敬軒嘅？」、「好膠」、「陳豪哥p得太多」、「執到唔同樣！有咩意思」、「陳豪個樣變左吸血殭屍…………」、「認唔到moses」、「完全𣎴像陳豪同陳茵嫩，而是兩具紙扎公仔」、「正正常常唔得既，係要搞到咁膠」、「換面定換老公？」、「執得太過火，平時咁仲有男人味」及「好AI樣，膠膠地」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！