陳蕾睇化 冇頒獎禮絕對公平

東方日報
陳蕾日前因忙拍MV，缺席《香港金曲頒獎典禮》。
陳蕾日前因忙拍MV，缺席《香港金曲頒獎典禮》。

華納歌手陳蕾昨日出席活動，向來熱愛打機的她，坦言只要有機打就開心：「鍾意競爭嘅感覺。（咁點解唔出席《香港金曲頒獎典禮》？）全日拍緊新歌MV，今日派台，拍咗20個鐘。」

她表示想感受每一個頒獎禮的氣氛：「每個都有唔同感覺，冇一個係絕對公平，我鍾意邊首歌或者歌手，你嘅睇法都有機會唔同，所以有唔同賽果好合理，如果參與得嘅，就要尊重唔同頒獎禮嘅規則。」她指新歌名取自日本同名書籍《下流社會》，講述日本「社畜」文化，有人會過勞死甚至因壓力而自殺。