香港回歸25周年騷疑似演出名單流出 驚見四大天王齊集 MIRROR／ERROR冇份網民感失望

今年7月1日就係香港回歸25周年，政府同各界將會舉辦不同嘅活動同市民一齊慶祝呢個大日子。喺前晚（12日），微博流傳一張將於6月30日舉行名為「香港特別行政區成立二十五周年紀念文藝晚會」嘅演出歌手名單，名單雲集接近70位中港歌手及演員，當中驚見「四大天王」張學友、劉德華、黎明、郭富城。

網上流傳名單中，主持人已經有8位，佢哋分別係汪明荃、曾志偉、鄧梓峰、陳貝兒、龍洋、尼格買提、馬凡舒及張凱麗。而參與人員包括，譚詠麟、「四大天王」張學友、劉德華、黎明、郭富城；李克勤、容祖兒、Twins、張智霖、陳小春、周柏豪、連詩雅、陳偉霆、梁漢文、林峯、吳若希、林曉峰、「After Class」炎明熹、姚焯菲、詹天文、鍾柔美；曾比特、關曉彤、周冬雨、易烊千璽及孫楠等等。呢個名單中竟然冇人氣男團MIRROR及ERROR，令唔少網民感到失望。

唔少網民對呢個名單抱有懷疑嘅態度，對上一次嘅同台演出已經係2007年嘅香港回歸十周年紀念晚會，當時佢哋合唱《香港始終有你》。另外，網民除咗對MIRROR及ERROR唔係呢份疑似名單上感到失望之外，同時亦對張敬軒、陳奕迅、鄧紫棋（G.E.M.）、王菲、成龍、曹永廉及楊明唔喺名單上感到不解。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！