《中年好聲音》梁浩銓被債主討論區公開追債 親身回應：我都不斷工作去填補

TVB節目《中年好聲音》參賽者梁浩銓近日被爆岀負面新聞，已婚且即將成為人父的他與已有家室的曹敏寶傳岀緋聞，令二人形象受損。近日生日的梁浩銓被債主於其粉絲討論區上追債，他向傳媒承認欠債，又表示正在努力工作還債。

債主於《中年好聲音》粉絲群組中撰文，指出：「中年好聲音第一屆第十二強梁浩銓欠本人數萬，本人誤墮梁浩銓音響工程投資陷阱，已多次追討不果，由年頭年三十晚開始追討，連二月中幫佢番（返）左（咗）兩日Part Time既（嘅）人工都無出，個（嗰）度每日番左（咗）12個鐘，直到現在足足三個月仍未能追討，梁浩銓用咗好多藉口不還錢，經常用轉頭入、戶口被凍結、網上銀行用不到為藉口。」

債主指自3月起已不斷向梁浩銓追討債務，不過每次都多多藉口且尚未還清債務，「我開頭以為佢剩係欠我一個人錢，原來唔係，佢開左（咗）債主群組，加晒佢欠人錢既（嘅）債主入去（包括我），欠既（嘅）數目超過80萬，但一蚊都無還過比（畀）我地，我地（哋）成班苦主，搵極佢都搵唔到，佢剩係識得逃避，我之前已經爆過佢欠款既（嘅）事，佢係（喺）被訪問中，話會處理，但到而家無處理過。」債主有疑似7名，而所欠的債務由3萬至20多萬，梁浩銓回覆傳媒時稱所欠的債務遠超岀於文中所指的80萬，「我都不斷工作去填補呢啲款項，有同債主們協商，至於係咩人去講呢啲嘢攻擊我就唔太清楚。」