巾幗梟雄之懸崖｜鄧萃雯公開拒拍原因 曾等候4年交3次檔期 等待期內非常高產

TVB劇集《巾幗梟雄之懸崖》於周一至周五晚上8時半播出，劇集由原班幕後人員打造，包括當年有份參與《巾幗》1、2編導工作嘅方駿釗（嘟嘟）擔任監製，以及重返TVB再次為《巾幗4》操刀編審嘅張華標。早於《巾幗梟雄之懸崖》未開拍前，唔少觀眾都盼望黎耀祥和鄧萃雯可再度合作，二人亦曾公開表示有意接拍續集。不過，今次《巾幗4》女主角由鄧萃雯變成胡定欣，於劇內飾演銀行家「七爺」，係上海頭十位有影響力嘅人。曾有傳聞指，鄧萃雯當時因傾唔掂數而拒拍，佢就曾喺社交平台撰文透露唔接拍嘅原因，直言自己等候咗四年，曾交出三次檔期。不過，幸好鄧萃雯於等待期間先後拍攝劇集《穿盔甲的少女》、《我們的當打之年》，《傾城亦清歡》、《九義人》及錄得38億票房嘅內地電影《孤注一擲》，非常高產。

《巾幗梟雄之懸崖》由2020年開始已傳出開拍消息，但一直未落實日期。鄧萃雯曾撰長文透露自己四年期間曾交出三次檔期，比觀眾嘅失望更大；首先表示勉強無幸福：「無論一段關係，一件想達成的夢想，或是一份工作任務，若在開初它已經出現一些不好的徵兆或已感到有不舒服不妥當的地方，請相信自己的直覺，就不要再繼續了。這不是說誰對誰錯，就是告訴你不合適，道不同不相為謀，因為勉強無幸福。我的經驗之談：曾經在接拍某個戲之前，反對了故事內容一些三觀不正的想法，製作人為了想我接拍也就妥協不寫這情節，可我最終就落入一個非常不愉快的拍攝過程，這教訓畢生難忘，也一直用來警惕自己。」續指自己積極投入生活且熱愛生活，懂得更疼愛自己：「我不再以事業為優先，更懂得疼愛自己身、心、靈的健康，更加投入生活且熱愛生活；不再妥協於不公平對待，不委屈於不合理的工作條件，少與不尊重專業的人合作。」認為做好真實世界嘅自己，比做好戲裡任何一個角色來得珍貴。

對於因為片酬拒拍《巾幗梟雄之懸崖》傳聞，鄧萃雯當時解釋係因為《孤注一擲》即將上映，完全唔關錢事：「如果接工作只看錢份上，應該已家財萬貫可以退休了。娛樂新聞只為博眼球，聰明的觀眾不用盡信。決定不拍《巾幗》時，還未知道《孤注一擲》即將上映，作得就作。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！