《代溝關注組》游嘉欣自稱A0惹肥媽質疑係假處女 ：不如改名叫做AV

TVB全新清談節目《代溝關注組》喺日前首播，節目主要探討兩代代溝問題，而第一集就搵嚟李家鼎（鼎爺）、Maria Cordero（肥媽）、謝雪心做「長輩群組」代表；而「後輩群組」就由徐文浩、蔡嘉欣、游嘉欣（游游）、吳卓衡及林正峰做代表。兩代人傾偈少不免會有啲問題，估唔到第一集就開始有爭拗。

《代溝關注組》第一集以「同你拍拖真的很興奮」作為主題，首先佢哋就分別講下點樣認識異性。之後，佢哋講下追異性嘅潮語，游嘉欣就問「長輩群組」知唔知道「A0」嘅意思，然後就解釋A係available，而數字就係拍拖次數。游嘉欣忽然自爆冇拍拖，肥媽感到好驚訝，仲質疑佢話：「你冇可能未拍過拖，你咁開放！」，游嘉欣仲話：「但係我真係，我就係你哋啱啱所講廿幾歲嘅老處女。」

肥媽聽完游游嘅說話後，似乎唔多認同，隨即反駁話：「你未拍過拖唔代表你係處女。我哋講嘅老處女，人哋真係處女，你呢個假處女。」，游嘉欣即時大叫：「我係真㗎！」，而肥媽再補充話：「你話係available，但仲係virgin（處女），不如改名叫做AV啦！」，場面相當搞笑。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！